Gengið frá sölu og afhendingu dráttarbátsins Jötuns til Þorlákshafnar

Gengið hefur verið frá sölu og afhendingu dráttarbátsins Jötuns til Þorlákshafnar. Jöt­unn er tæp­lega 100 tonna stál­bát­ur sem smíðaður var í Hollandi árið 2008. Hann hef­ur 27 tonna tog­kraft.

Þegar dráttarbáturinn var auglýstur til sölu, þá bárust tvö tilboð í hann. Hafn­ar­sjóður Þor­láks­hafn­ar átti hærra boðið, 220,5 millj­ón­ir. Hafn­ar­fjarðar­höfn bauð 202 millj­ón­ir. Hafn­ar­stjórn fól Gísla Gísla­syni hafn­ar­stjóra að ganga til samn­inga við hæst­bjóðanda.

Þess má geta að þetta er í annað sinn sem dráttarbátur Faxaflóahafna er seldur til Þorlákshafnar. Jötunn eldri, sem nú heitir Ölver hjá Þorlákshöfn, var einnig seldur til Þorlákshafnar árið 2007.  Sá dráttarbátur er rúmlega 40 tonn og með 14 tonna tog­kraft.

Á myndinni eru Elliði Vignisson, sveitarstjóri í Ölfusi, Gísli Gíslason, hafnarstjóri í Reykjavík, og Hjörtur Jónsson, hafnarstjóri í Þorlákshöfn.