-->

Gott að vinna við sjávarútveg

Maður vikunnar á Auðlindinni að þessu sinni er einn okkar reyndustu skipstjóra á uppsjávarveiðum, síld, loðnu, makríl og kolmunna. Hann er skipstjóri á skipi Eskju á Eskifirði, Jóni Kjartanssyni SU 111. Hann byrjaði 12 ára í saltfiski og fór 17 ára í Norðursjóinn. Hann er með bíladellu og á tvo fornbíla.

Nafn:

Grétar Rögnvarsson.

Hvaðan ertu?

Eskifirði.

Fjölskylduhagir?

Í sambúð með Ingu Rún Sigfúsdóttir og ég á þrjú börn og fimm barnabörn.

Hvar starfar þú núna?

Skipstjóri à Jóni Kjartanssyni SU 111.

Hvenær hófstu vinnu við sjávarútveg?

Var 12 ára þegar ég byrjaði að vinna í saltfiski með karli föður mínum og var 17 ára þegar ég byrjaði á sjó á síld í Norðursjónum.

Hvað er það skemmtilegasta við að vinna við íslenskan sjávarútveg?

Það er gott að vinna við sjávarútveg og alla tíð liðið vel í því umhverfi og þekki ekkert annað.

En það erfiðasta?

Það erfiðasta eru brælurnar á sjónum og fjarvistir frá fjölskyldu.

Hvað er það skrýtnasta sem þú hefur lent í í störfum þínum?

Það er svo margt skrýtið á löngum ferli sem skipstjóri, ekkert sem stendur upp úr sérstaklega.

Hver eftirminnilegasti vinnufélagi þinn?

Það eru margir eftirminnilegir sem maður hefur unnið með, vil ekki nefna neinn sérstakan þeir eru þó allavega nokkrir.

Hver eru áhugamál þín?

Áhugamál mín er að ferðast mikið og svo er ég með smá bíladellu á tvo fornbíla svo auðvitað fjölskyldan og sérstaklega litlu barnabörnin.

Hver er uppáhaldsmaturinn þinn?

Uppáhaldsmaturinn eru rjúpur og íslenska lambakjötið.

Hvert færir þú í draumafríið

Safaríferð til Suður-Afríku en þangað hef ég farið og væri til í aftur.

 

Tengdar færslur

thumbnail
hover

Skipin ýmist á sjó eða í...

Kolmunnaskipin sem lágu í Norðfjarðarhöfn  héldu til veiða í gær þegar niðurstöður skimunar áhafna þeirra fyrir Covid 19 lá...

thumbnail
hover

Göt á sjókví í Arnarfirði

Matvælastofnun barst tilkynning frá Arnarlaxi fimmtudaginn 2. apríl um þrjú göt á nótarpoka einnar sjókvíar Arnarlax við Hringsda...

thumbnail
hover

Dreifibréf um mögulegar hættur LED-ljósa á...

Á dögunum gaf Samgöngustofu út dreifibréf dreifibréf þar sem fjallað er um hvaða hættur geta stafað af LED-ljósum og búnaði ...