-->

Grillaður humar

Nú stendur humarvertíðin yfir. Þrátt fyrir að veiðin sé með allra minnsta móti er þó hægt að ná sér í humar, annaðhvort íslenskan eða innfluttan. Við mælum með þeim íslenska, sem er ótvírætt sá besti í heimi. Þetta er einföld og fljótleg uppskrift, en einstaklega bragðgóður réttur. Sannkölluð veisla og hentar vel fyrir ástfangin pör á fallegu síðkvöldi að sumri til.

Innihald:

50g brætt smjör

1 msk. hunang

1 msk. sítrónusafi

1/2  tsk. sítrónubörkur, rifinn

2 msk. saxaður graslaukur

2 msk. saxaður graslaukur og meira til skreytingar

1msk. steinselja, söxuð

3 hvítlauksgeirar, marðir

¼ tsk. salt

16 til 20 humarhalar eftir stærð

1msk. extra-virgin ólífuolía

nýmalaður svartur pipar

örlítið af muldum flögum af rauðum pipar

sítrónubátar

Aðferð:

Hitið grillið eða pönnu á meðalhita. Blandið síðan saman bræddu smjöri, ólífuolíu, sítrónusafa og -berki, hunangi, graslauk, steinselju hvítlauk og salti í hæfilegri skál.

Notið eldhússkæri til að klippa skelina í sundur að ofan og skerið niður í holdið að „rifbeinunum“ Fletjið halana síðan út.

Penslið humarhalana með kryddblöndunni og kryddið með salti og pipar. Grillið halana með holdhliðina niður í augnablik. Snúið hölunum síðan við og penslið aftur. Grillið áfram þar til holdið er ekki lengur glært, aðeins í nokkrar mínútur.
Gott er að nota blauta grillpinna til að stinga í gegnum humarinnn eldilangan svo hann verpist síður við grillunina.

Stráið örlitlu af graslauknum og rauðu piparflögunum yfir. Berið humarinn fram með sítrónubátum og ristuðu brauði. Glas af hvítvíni hentar vel með þessum veislurétti.

Tengdar færslur

thumbnail
hover

Mast veitir Löxum Fiskeldi nýtt rekstrarleyfi

Matvælastofnun hefur veitt Löxum Fiskeldi ehf. rekstrarleyfi til fiskeldis í Reyðarfirði í samræmi við lög um fiskeldi. Matvælas...

thumbnail
hover

13 ára háseti með félaga sínum...

Maður vikunnar starfar í þeirri atvinnugrein sem mestur vöxtur er í um þessar mundir og hefur hleypt lífi í margar byggðir sem átt...

thumbnail
hover

Brim tekur þátt í Síminn Cyclothon

Brim tekur þátt í Síminn Cyclothon keppninni sem hófst í gær við Egilshöll. Keppnin er boðhjólakeppni þar sem átta manna lið ...