Heildarlausnir frá Naust Marine í nýjan rækjutogara á Nýja-Sjálandi

Deila:

Íslenska fyrirtækið Naust Marine gerði nýlega samning um að hanna heildarlausnir í vindum og stjórnbúnaði fyrir nýjan rækjutogara sem nú er í smíðum. Togarinn verður byggður fyrir sjávarútvegsfyrirtækið Sanford ltd. á  Nýja Sjálandi og verður smíðaður hjá Damen Maaskant skipasmíðastöðinni í Hollandi. Áætluð afhending búnaðarins frá Naust Marine er snemma árs  2024 en skipið á að afhenda kaupendum árið 2025.
„Við hönnun skips og búnaðar er áhersla lögð á nýsköpun, sjálfbærni og hagkvæmni í rekstri,“ segir í frétt frá Naust Marine. Markmið Sanford er að draga úr kolefnisfótspori í starfsemi fyrirtækisins um 25% frá 2020 til 2030 og er útfærsla togarans liður í að ná því takmarki.

Deila: