-->

Hrefnukvótinn við Noreg 1.278 dýr

Hvalveiðivertíð Norðmanna er hafin. Kvótinn í ár er 1.278 hrefnur og hafa útgerðir þrettán báta fengið veiðileyfi. Noregur er eitt fárra landa sem heimilar hvalveiðar í ábataskyni ásamt Íslandi, en engar veiðar á hrefnu eða stærri hvölum voru stundaðar hér á síðasta ári.

Hrefnustofninn við Noreg er talinn um 100.000 dýr og eru veiðarnar sjálfbærar.  Á síðasta ári voru veiddar 503 hrefnur sem var það mesta í mörg ár.

Hafrannsóknastofnun Íslands hefur lagt til að veiðar á hrefnu við landið fari ekki yfir 217 dýr á hverju ári á tímabilinu 2018 til 2025. Sá kvóti hefur verið lítið nýttur. Stofnunin hefur jafnframt lagt til að á sama tíma verði ekki veitt meira af langreyði en 161 dýr vestur af landinu og 48 dýr á svæðinu milli Íslands og Færeyja. Sá kvóti hefur heldur ekki verið mikið nýttur og ráða markaðsaðstæður fyrir afurðirnar það mestu.
Ljósmynd Hjörtur Gíslason

 

Tengdar færslur

thumbnail
hover

Formennsku LHG í ACGF lokið

Tveggja ára formennsku Landhelgisgæslu Íslands í samtökum strandgæslna á norðurslóðum lauk á fjarfundi á föstudag. Strandgæslu...

thumbnail
hover

Arctic Fish flytur í gamla Pólshúsið

Arctic Fish ehf. hefur tekið allt húsnæði að Sindragötu 10 á leigu til næstu ára. Fyrirtækið mun flytja þangað skrifstofur sín...

thumbnail
hover

LS semur við Morenot

Landssamband smábátaeigenda hefur gert samning við Morenot (Sjóvélar) um afslátt til félagsmanna á vörum í netverslun fyrirtækis...