-->

Humar í hvítvínssósu og hvítlauk

Humar er ekki bara herramanns matur, heldur hefðarkvenna sömuleiðis og auðvitað bara fyrir alla sem vilja njóta slíkrar fæðu. Hann er dýr matvara og lítið framboð innan lands, en íslenski humarinn er ótvírætt sá besti í heimi.  Þess vegna er hann ekki algengur á matarborðum okkar, heldur hafður til hátíðabrigða og í rómantíska rétti á fallegum síðkvöldum. Við mælum með veisluborði fyrirhæfilegan gestafjölda með hæfilegu millibili. Hlíðum Víði!

Innihald:

800g humarhalar

½ laukur skorinn í 4 fleyga

250g smjör

2,5 dl hvítvín

2 msk. hunang

6 stórir hvítlauksgeirar, marðir

1-2 msk. ferskur sítrónusafi

1 tsk, salt

svartur mulinn pipar eftir smekk

4-8 sítrónu sneiðar

2 msk. fersk steinselja, söxuð

Aðferð:

Setjið rist í miðjan ofninn (gott er að hafa ofnskúffu undir til að taka við leka úr humrinum) Skjótið góðum hita á ofninn.

Bræðið smjörið í litlum potti á miðlungs hita. Bætið hvítlauknum út í og látið krauma í 1-2 mínútur. Hellið svo hvítvíninu út í. Látið malla og sjóða aðeins niður í um 2 mínútur . Bætið þá hunangi, sítrónusafa, salti og pipar út í. Hrærið vel í þar til allt hefur blandast saman og leggið til hliðar.

Klippið skelina á humrinum að ofan aftur að sporði og garnhreinsið hann. Losið um holdið í skelinni og dragið það upp úr skelinni. Setjið lauk undir holdið.

Setjið humarinn á ofngrindina með holdhliðina upp. Penslið humarhalana með helmingi sósunnar. Bakið humarhalana í 8-10 mínútur eftir stærð. Berið humarinn fram með saxaðri ferskri steinselju, góðu ristuðu brauði og salati að eigin vali. Kælt hvítvín fer mjög vel með þessum rétti fyrir þá, sem njóta slíkra veiga.

Tengdar færslur

thumbnail
hover

Vilja svæðalokanir til að vernda höfrunga...

Vísindamenn hjá Alþjóðahafrannsóknaráðinu (ICES) leggja nú til  fiskveiðar verði bannaðar á ákveðnum svæðum í Biskajafló...

thumbnail
hover

Hoppandi kátir

Drangey SK2 landar í Grundarfirði í byrjun vikunnar.  Heildarmagn afla um borð er um 154 tonn, uppistaða aflans er að mestu þorskur....

thumbnail
hover

Verð á þorski fer hækkandi

Verð á þorski sem seldur er gegnum fiskmarkaði hefur stigið jafnt og þétt undanfarna daga. Þann 15. maí var ríkti svartsýni hjá ...