-->

Hunangssætur lax

Lax eða ekki lax? Nú hefur komið í ljós að á dönskum veitingastað þykir mönnum betra að bjóða upp á íslenskan en norskan lax. En að okkar mati skiptir það ekki máli, aðeins að laxinn sé ferskur og góður. Eldislax er veislumatur og ekki of dýr til að gæða sér á honum endrum og eins. Þess vegna er það lax. Gerið svo vel, lax með austurlensku ívafi, en engu að síður af íslenskum uppruna.

Innihald:

2 msk smjör eða ólífuolía

4 til 6 sneiðar úr laxaflaki 180g hvert eða um það bil, með eða án roðs

safi úr hálfri appelsínu eða fjórðungur úr bolla af ferskum safa.

3 msk hunang

2 msk sojasósa

4 geirar af hvítlauk, maukaðir

salt og svartur pipar úr kvörn

hálf appelsína í sneiðum

Aðferð:

Hitið smjörið, eða olíuna, á góðri pönnu upp að miðlungshita. Steikið laxabitana í 3-4 mínútur á holdhliðinni og síðan 2-4 mínútur með roðið niður.

Hellið appelsínusafanum yfir laxinn á pönnunni og látið sjóða niður um helming. Bætið hvítlauknum út á og látið hann mýkjast.

Færið laxinn til hliðar á pönnunni og setjið hunangið og sojasósuna út á hana og hrærið vel saman.  Látið krauma í hálfa mínútu eða svo, svo sósan verði jöfn og hæfilega þykk og látið blandast vel við laxinn.

Kryddið með salti og pipar eftir smekk, skreytið með graslauk og berið fram með góðum hrísgrjónum og fersku eða steiktu grænmeti að eigin vali. Og kannski glasi af kældu góðu hvítvíni.

 

Attachments

Tengdar færslur

thumbnail
hover

Skötuselur í karrý og kókoshnetumjólk

Svona rétt fyrir jólin er kannski gott að hafa mat frábrugðinn því sem tíðkast yfir hátíðirnar. Fyrir þá, sem eru bæði sólg...

thumbnail
hover

Þykir ofsalega vænt um íslenskan sjávarútveg

Maður vikunnar byrjaði 13 ára að slægja fisk hjá Stáli og hníf á Ísafirði. Síðan hefur hann verið beintengdur sjávarútveginu...

thumbnail
hover

Samherji birtir pósta máli sínu til...

Greiðslur Kötlu Seafood til ERF 1980 árið 2014 voru til að fá kvóta frá Fishcor, ríkisreknu sjávarútvegsfyrirtæki í Namibíu, ...