Laxa carpaccio með ólífuolíu, balsamediki og rósapipar

Jæja, nú bjóðum við bara uppskrift að forrétti, aðalréttinn finnið þið í uppskriftasafni Auðlindarinnar. Þetta er einfaldur, þægilegur og sérstaklega bragðgóður réttur úr íslenskum laxi, líkast til úr eldi sem fer nú vaxandi á Vestfjörðum og Austfjörðum. Þar er að byggjast upp ný atvinnugrein sem er að veita fjölda fólks atvinnu og skjóta enn frekari stoðum undir útflutning landsins. Uppskriftin er fengin af netsíðunni fiskur í matinn, en henni er haldið úti af Norðanfiski. Verði ykkur að góðu.

Innihald:

  • 160 g lax
  • 1 tsk rósapipar
  • Chili-pipar úr kvörn
  • 8 msk jómfrúarolía
  • 2 msk balsamedik
  • 1 knippi steinselja
  • Salt og pipar
  • Sítrónubátar

Aðferð:

Skerið laxinn í 2 mm þykkar sneiðar, leggið á disk. Kryddið með rósapipar og chili-pipar. Blandið ólífuolíu og balsamediki vel saman og hellið yfir laxinn. Stráið steinseljunni yfir og berið fram með sítrónunni.

 

Tengdar færslur

thumbnail
hover

Mikil aukning í fiskeldi fyrirsjáanleg

Ríflega fjörutíu prósenta aukning verður í fiskeldi hér á landi, frá því sem nú er, verði allar umsóknir um ný rekstrarleyfi ...

thumbnail
hover

Málefni hafsins til umræðu

Loftslagsmál, grænar orkulausnir, málefni hafsins og heilbrigðismál voru á meðal fundarefna á þriggja daga haustfundi embættismann...

thumbnail
hover

Lokaferð Halldórs

Halldór Nellett er nú í lokaferð sinni sem skipherra á varðskipinu Þór en skipið lét úr höfn í Reykjavík fyrir helgi. Þegar v...