Leggja milljarða í eldi á laxi á landi

123
Deila:

Norska fiskeldisfélagið Salmon Evolution hyggur á mikla fjárfestingu í nýju landeldi á laxi. Safnað hefur verið 258 milljónum norskra króna til framkvæmdanna, en það svarar til um 3,3 milljarða íslenskra króna. Eftir að nýja eldisstöðin verður komin í gagnið að fullu er gert ráð fyrir 36.000 tonna ársframleiðslu.

Notað verður sérstakt gegnumstreymis kerfi á á sjó við eldið. Þar sem náttúruleg afföll eru miklu minni í landeldi en í sjó, er rekstraröryggi talið gott og til dæmis verður ekkert um strok laxa úr landkvíum. Gert er ráð fyrir 9.000 tonna framleiðslu með fyrsta áfanga eldisstöðvarinnar.

Miðað við að framkvæmdir hefjist í vor, gætu fyrstu seiðin verið sett í kvíarnar á síðasta fjórðungi næsta árs og hægt verða að hefja slátrun um það bil ári seinna.

Deila: