-->

Leggur stígvélin á hilluna

Magnús Sverrisson  hefur hætt störfum hjá landvinnslu FISK Seafood. Magnús hóf störf hjá landvinnslunni árið 2011 eftir 30 ára starf hjá Kjötafurðastöð KS. Hann vann einnig í Skagfirðingabúð og við bakaraiðn auk þess sem hann var á sínum tíma stofnandi að kjötvinnslunni Kjötval. Frá þessu er sagt á heimasíðu Fisk Seafood.

Hann var aðeins 11 ára gamall þegar hann hóf starfsferil sinn hjá Ísbirninum og er því með sanni hægt að segja að matvælaiðnaðurinn hafi verið hans starfsvettvangur.

Nú segist Maggi ætla að njóta meiri samveru  með fjölskyldunni og þau hjónin segja ekki útilokað að nú muni þau láta verða af því að prófa golfsettin sem þau eiga nú þegar.

Haldið var kaffisamsæti að þessu tilefni í kaffistofu FISK og viljum við koma á framfæri þökkum frá stjórn og samstarfsfólki FISK fyrir farsæl og góð störf. Við óskum honum velfarnaðar í þeim verkefnum sem hann tekur sér fyrir hendur.

Meðfylgjandi er mynd af Magnúsi ásamt konu hans Ástu Pálínu Ragnarsdóttur.

 

Tengdar færslur

thumbnail
hover

Virkt ábendingarkerfi  hjá Faxaflóahöfnum

Virkt ábendingarkerfi hefur verið hjá Faxaflóahöfnum allt frá árinu 2016. Í gegnum kerfið er unnið að umbótaverkefnum sem leiða...

thumbnail
hover

Ertu öruggur um borð?

Vinnslustöðin, FISK Seafood og VÍS hafa hrundið af stokkum átaksverkefni sem ætlað er að beina kastljósum að öryggismálum á ski...

thumbnail
hover

Síldin sækir til vesturs 

Mun meira var að sjá af norsk-íslenskri síld og kolmunna í nýafstöðnum rannsóknarleiðangri færeyska rannsóknaskipsins Jákups Sv...