-->

Makríl vinnsla hafin

Snemma í morgun kom Börkur NK til Neskaupstaðar með tæplega 750 tonn af makríl sem veiddist í Smugunni. Vinnsla hófst þegar í fiskiðjuveri Síldarvinnslunnar.

Ólafur Gunnar Guðnason, stýrimaður á Berki, segir í samtali á heimasíðu Síldarvinnslunnar, að aflinn hafi fengist í átta holum og um sé að ræða ágætan 440 -470 gramma makríl. Þá segir hann að aflinn hafi verið töluvert síldarblandaður. Ólafur segir að íslenskum skipum hafi verið að fjölga mikið í Smugunni síðustu daga og eins séu færeysk skip á sömu slóðum. Aflinn hafi ekki verið mikill og verulegur tími fari í það að leita.

Í fiskiðjuverinu var allt farið að snúast í morgunsárið og hugur í mönnum. Það eru ávallt tímamót þegar ný vertíð hefst. Fiskurinn þykir hinn fallegasti og er hann nú í upphafi hausaður, slógdreginn og síðan frystur.
Börkur NK að landa fyrsta makrílfarmi vertíðarinnar. Ljósm. Smári Geirsson

Tengdar færslur

thumbnail
hover

Stuðla að grænum skrefum í sjávarútvegi

Frumvarp til laga um breytingu á lögum um veiðar í fiskveiðilandhelgi Íslands og breytingar á lögum um stjórn fiskveiða (aflvísir...

thumbnail
hover

Íþyngjandi gjaldtaka hægir á verðmætasköpun í...

„Gjaldtaka í sjókvíaeldi er umfangsmeiri en í flestum öðrum atvinnugreinum hér á landi. Flest fyrirtæki greiða hefðbundin gjöl...

thumbnail
hover

Mikið óveitt af ufsa

Mikið er óveitt af ufsa nú þegar fiskveiðiárinu er að ljúka. Það er svipuð staða og í fyrra. Kvótinn nú er 78.700 tonn, aflin...