Mikil aflaaukning í janúar

Heildarafli í janúar 2021 var 58,9 þúsund tonn sem er 65% meiri afli en í janúar 2020. Alls veiddust tæp 23 þúsund tonn af þorski, 5 þúsund tonn af ýsu og um 3 þúsund tonn af ufsa. Uppsjávarafli var 21 þúsund tonn, þar af tæp 20 þúsund tonn af kolmunna og rúm þúsund tonn af síld. Flatfiskafli jókst úr 660 tonnum í rúm 1.400 tonn.
Mestu munar um kolmunna en afli af honum þrefaldaðist miða við samma mánuðu í fyrra. Þá jóks afli af þorski og ýsu um þriðjung,

Afli á 12 mánaða tímabili, frá febrúar 2020 til janúar 2021, var rúmlega milljón tonn sem er álíka magn og veiddist á 12 mánaða tímabili ári áður. Helstu breytingar á milli tímabila felast í aukningu í makrílafla um 18%, aukningu flatfiskafla um 13% og aukningu í þorskafla um 6%. Skel- og krabbadýraafli dróst þó saman um 51% á milli tímabila.

Afli metinn á föstu verði bendir til þess að aflaverðmæti verði um 44% meira en í sama mánuði árið á undan.

Upplýsingar um fiskafla sem birtast í þessari fréttatilkynningu frá Hagstofu íslands eru bráðabirgðatölur. Þær byggjast á upplýsingum Fiskistofu sem berast frá löndunarhöfnum innanlands (Lóðs), útflytjendum afla og frá umboðsmönnum erlendis og er safnað af Fiskistofu.