-->

Mikill sjarmi yfir sjómennskunni

Maður vikunnar er Snæfellingur. Hann fór fyrst til sjós 15 ára og er nú vélstjóri á Magnúsi SH. Hann hefur mikinn áhuga á fótbolta, golfi, stangveiði og mótorsporti. Kjötsúpan hennar mömmu er í miklu uppáhaldi.

Nafn:

Atli Már Gunnarsson.

Hvaðan ertu?

Snæfellsbæ.

Fjölskylduhagir?

Er giftur og á tvo drengi 12 og 15 ára.

Hvar starfar þú núna?

Vélstjóri á neta- og dragnótarskipinu Magnúsi SH 205.

Hvenær hófst þú vinnu við sjávarútveg?

Ég fór fyrst til sjós 15 ára árið 1995. Og hef nú verið samfleytt frá aldamótum til sjós hjá sömu útgerð.

Hvað er það skemmtilegasta við að vinna við íslenskan sjávarútveg?

Það er bara svo mikill sjarmi yfir sjómennskunni svo að sjálfsögðu vinnufélagarnir.

En það erfiðasta?

Brælur og bras.

Hvað er það skrýtnasta sem þú hefur lent í í störfum þínum?

Mér dettur voða lítið í hug. Var eitt sinn með manni á sjó sem var alltaf ýkja hlutina og ljúga sér í haginn. Mér fannst það hálf skrítið og oft á tíðum óþægilegt.

Hver eftirminnilegasti vinnufélagi þinn?

Ætli ég verði ekki að segja afi minn Cýri Dan og Ómar Lú, þó svo það tengist sjávarútvegi ekki neitt. Vann með þeim í smíðavinnu eitt sumar á mínum unglingsárum þvílíkir meistarar.

Hver eru áhugamál þín?

Fótbolti, stangveiði, golf, mótorsport og mikið fleira.

Hver er uppáhaldsmaturinn þinn?

Kjötsúpan hjá mömmu.

Hvert færir þú í draumfríið?

Með „fjöllunni“ til Hawaii, bara svona til að segja eitthvað.

Tengdar færslur

thumbnail
hover

Ljúffengur þorskur með hnetum

Sumum finnst fiskur dýr, en ekki má gleyma því að þegar flök eða hnakkar eru keyptir ferskir eða saltaðir, er nánast engin rýrnu...

thumbnail
hover

Skýrsla verkefnastjórnar um bætt eftirlit með...

Verkefnastjórn um bætt eftirlit með fiskveiðiauðlindinni hefur afhent Kristjáni Þór Júlíussyni, sjávarútvegs- og landbúnaðarr...

thumbnail
hover

Iðandi af ungu fólki

Síðustu vikur hefur húsnæði Brims verið iðandi af ungu fólki en Sjávarútvegsskóli unga fólksins í Reykjavík, hefur haft aðst...