-->

Minnsti ufsaafli um árabil

Nú, þegar líður að lokum yfirstandandi fiskveiðiárs, eru 31.400 tonn af ufsakvótanum óveidd. Leyfilegur afli á fiskveiðiárinu er 71.000 tonn, en aflinn er aðeins orðinn 39.500 tonn samkvæmt aflastöðulista Fiskistofu. Hafrannsóknastofnun leggur til að á næsta fiskveiðiári fari aflinn ekki yfir 78.574 tonn.

Á síðasta ári var kvótinn 68.600 tonn, en aflinn varð aðeins 58.200 tonn.  Árin þar á undan var aflinn lengi vel um 50.000 tonn árlega. „Á síðustu sex fiskveiðiárum hefur ekki náðst að veiða upp í úthlutaðar aflaheimildir í ufsa og stefnir í að það náist heldur ekki á yfirstandandi fiskveiðiári. Breytingar á flotasamsetningu síðustu ár gætu hafa leitt til þess að ufsi veiðist ekki í sama mæli og áður. Sókn með línu hefur aukist en hlutdeild tog- og netaveiði minnkað, en ufsi veiðist mest í tog- og netaveiðum. Undanfarin ár hefur sókn í smáufsa verið mikil og talsvert af aflamarki fært yfir í aðrar tegundir,“ segir í ráðgjöf Hafrannsóknastofnunar um hæfilegan ufsaafla á næsta ári.

Tólf skip hafa náð að veiða meira en þúsund tonn af ufsa það sem af er þessu fiskveiðiári. Baldvin Njálsson GK er þar langaflahæstur með 2.500 tonn, en næstu tvö skip eru Höfrungur III AK með 1.865 og Vigri RE með 1.856 tonn

Tengdar færslur

thumbnail
hover

Ofnbakaður gullkarfi með chili, hvítlauk og...

Nú leitum við til Norðanfisks eftir góðri uppskrift. Fyrirtækið framleiðir gífurlega mikið af fiski sem tilbúinn er til matreiðs...

thumbnail
hover

Tengdamóðirin eftirminnilegasti vinnufélaginn

Maður vikunnar er Ólafsfirðingur búsettur á Dalvík. Hann byrjaði ungur að vinna í fiski hjá Sigvalda Þorleifs, en var síðar á ...

thumbnail
hover

Öflugur liðstyrkur í veiðieftirliti Fiskistofu

Fiskistofa réði nýverið sex nýja eftirlitsmenn til starfa í stað eldri starfsmanna sem látið hafa af störfum. Nýju veiðieftirlit...