-->

Ný Cleopatra 33 til gildruveiða á humri afgreidd til Fraserburgh í Skotlandi

Bátasmiðjan Trefjar í Hafnarfirði afgreiddi núna nýverið nýjan Cleopatra bát til Fraserburgh á norðausturströnd Skotlands. Að útgerðinni stendur Gary Noble útgerðarmaður frá Fraserburgh.

Nýi báturinn hefur hlotið nafnið Golden Dawn.  Báturinn er 10 brúttótonn.  Golden Dawn er af gerðinni Cleopatra 33.

Aðalvél bátsins er af gerðinni FPT C90 tengd ZF 286IV gír.

Siglingatæki koma frá Simrad/Furuno.  Báturinn er með uppsetta Olex skipstjórnartölvu.

Hann einnig útbúin með vökvadrifinni bógskrúfu sem tengd er sjálfstýringu bátsins.

Báturinn er útbúinn til gildruveiða á humri og töskukrabba.  Reiknað er með að báturinn muni draga 1000 gildrur á dag.

Hluta ársins mun báturinn stunda makrílveiðar með handfærarúllum.  Handfæra rúllur koma frá DNG.

Í fiskilest bátsins er sjálfvirkt sjóúðunarkerfi til að halda humri lifandi um borð.  Með þessu fyrirkomulagi fæst mun meira aflaverðmæti.

Öryggisbúnaður bátsins er frá Viking.

Rými er fyrir 12 380 lítra kör í lest.  Í vistarverum er, svefnpláss fyrir þrjá auk eldunaraðstöðu með eldavél, örbylgjuofn og ísskáp.

Að sögn útgerðarinnar mun báturinn verða gerður út frá Fraserburgh allt árið, báturinn hefur þegar hafið veiðar.

Tengdar færslur

thumbnail
hover

Stundaðir verði heiðarlegir, gagnsæir og löglegir...

Samtök fyrirtækja í sjávarútvegi (SFS) munu gera allt sem í þeirra valdi stendur til þess að styðja við stjórnvöld, þannig að...

thumbnail
hover

Varnir gegn hagsmunaárekstrum og mútubrotum

Ríkisstjórnin ákvað á fundi sínum í gær að grípa til eftirfarandi aðgerða í því skyni að auka traust á íslensku atvinnulí...

thumbnail
hover

Lítil frávik í íshlutfalli

Fiskistofa birtir hér niðurstöður vigtunar m.t.t. íshlutfalls hjá þeim vigtunarleyfishöfum þar sem veiðieftirlitsmenn Fiskistofu h...