-->

Opinn fundur hjá Marel

Mánudaginn 27. maí býður Marel öllum þeim sem hafa áhuga á að kynna sér félagið á opinn fund í höfuðstöðvum félagsins í Garðabæ. Þar munum við kynna fyrirætlanir okkar um hlutafjárútboð og skráningu í Euronext-kauphöllina í Amsterdam.

Marel stendur nú á tímamótum þar sem félagið hyggur á almennt hlutafjárútboð og skráningu í Euronext kauphöllina í Amsterdam til viðbótar við núverandi skráningu félagsins á Nasdaq á Íslandi.

Á fundinum munu Árni Oddur Þórðarson forstjóri og Linda Jónsdóttir fjármálastjóri kynna starfsemi Marel og fyrirætlanir félagsins um hlutafjárútboð og tvíhliðaskráningu á erlendan markað.

Haldnar verða pallborðsumræður um Marel og vegferð félagsins frá sprota til alþjóðaleiðtoga með 6.000 starfsmenn í yfir 30 löndum um allan heim. Meðal þátttakenda í pallborðinu verða Guðbjörg Heiða Guðmundsdóttir framkvæmdastjóri Marel á Íslandi.

Einnig mun gestum bjóðast tækifæri til að ganga um og kynna sér framleiðslu- og nýsköpunarstarfsemi Marel.

Skráning hlutabréfa félagsins í Euronext kauphöllina í Amsterdam, til viðbótar við íslensku kauphöllina, mun auka sýnileika Marel og aðgengi að breiðari hópi alþjóðlegra fjárfesta. Útboð á nýju hlutafé mun einnig styrkja fjárhagsskipan félagsins og verða hlutirnir skráðir í gjaldmiðli sem styður betur við stefnu félagsins um framtíðarvöxt.

 

Tengdar færslur

thumbnail
hover

Ljúffeng lúða

Lúða er ljúffengur fiskur, sem elda má á ótal vegu og alltaf er hún góð svo fremi sem hún sé fersk. Hér kemur uppskrift sem er b...

thumbnail
hover

Byrjaði 15 ára á Barða NK

Maður vikunnar er Norðfirðingur. Einn af aflasælustu skipstjórum landsins, sem mokar upp kolmunna, makríl, síld og loðnu, þegar kv...

thumbnail
hover

Ólafur Marteinsson nýr formaður SFS

Ólafur Marteinsson, framkvæmdastjóri Ramma hf. á Siglufirði var kjörinn formaður stjórnar Samtaka fyrirtækja í sjávarútvegi á a...