-->

Óveður gengur yfir landið

Fiskiskipaflotinn er nú nánast allur í landi, enda versta lægð í langan tíma að ganga yfir landið. Vindhraði yfir 30 metrar og mun meira í kviðum. Fyrir vikið var miklu landað um allt land í gær, en aflabrögð hafa verið mjög góð þegar gefur og vertíðarfiskurinn genginn á miðin við Reykjanesið.

Landhelgisgæslan er með aukinn viðbúnað vegna óveðursins sem gengur yfir landið í dag. Varðskipið Þór hélt frá Reykjavík klukkan 15 í gær og hélt á Vestfirði. Alla jafna er eitt varðskip á sjó hverju sinni en vegna veðursins var ákveðið að áhöfnin á varðskipinu Tý væri í viðbragðsstöðu í Reykjavík og tilbúin að halda á sjó ef á þarf að halda. Enn fremur eru tvær þyrlur til taks auk tveggja þyrluáhafna.

Þá hvatti Landhelgisgæslan eigendur og umsjónarmenn skipa og báta að huga að þeim vegna þessa slæma veðurs. Auk þess bendir LHG á að öldu- og vindáhlaðandi, samfara þeim lága loftþrýstingi sem spáð er, geti bætt talsvert við sjávarhæð í höfnum umfram það sem útreiknaðar sjávarfallatöflur gefa til kynna.

Ljósmynd Hjörtur Gíslason.

 

Tengdar færslur

thumbnail
hover

Tengdamóðirin eftirminnilegasti vinnufélaginn

Maður vikunnar er Ólafsfirðingur búsettur á Dalvík. Hann byrjaði ungur að vinna í fiski hjá Sigvalda Þorleifs, en var síðar á ...

thumbnail
hover

Öflugur liðstyrkur í veiðieftirliti Fiskistofu

Fiskistofa réði nýverið sex nýja eftirlitsmenn til starfa í stað eldri starfsmanna sem látið hafa af störfum. Nýju veiðieftirlit...

thumbnail
hover

Líf og fjör í Norðfjarðarhöfn

Það hefur svo sannarlega verið mikið um að vera í Norðfjarðarhöfn síðustu dagana. Veiðiskip koma og fara og flutningaskip koma o...