-->

Radcliffe fjármagnar rannsóknir á laxi

Hafrannsóknastofnun og breski milljarðamæringurinn Jim Ratcliffe skrifuðu undir samkomulag í gær um að Ratcliffe fjármagni umfangsmikla rannsóknaráætlun í samvinnu við Hafrannsóknastofnun.

Greint var frá því á blaðamannafundi í gær að verkefnið væri liður í sjálfbærri langtímaverndaráætlun Hafró og Ratcliffes. Markmiðið væri að íslenskar laxveiðiár yrðu áfram þær bestu og sjálfbærustu í heimi. Kostnaðurinn við rannsóknina verði í kringum 80 milljónir samkvæmt frétt á ruv.is.

Hafró starfar með Imperical College í London við gerð áætlunarinnar. Í tilkynningu sem fulltrúi Ratcliffes sendi fjölmiðlum

Samningurinn undirritaður. Mynd RUV

kemur fram að rannsóknaráætlunin eigi að styðja við vernd norður-atlantshafslaxins í ám á Norðausturlandi.

Á dögunum sendi Ratcliffe frá sér fréttatilkynningu um að hann hefði keypt jörðina Brúarland 2 í Þistilfirði. Kaupin væru hluti af yfirstandandi aðgerðum til verndar íslenska laxastofnsins.

Skiptar skoðanir á jarðakaupum auðmanna

Styr hefur staðið um jarðakaup Ratcliffes, sem og annarra auðmanna, sem hafa keypt fjölda jarða hérlendis síðustu misseri. Ratcliffe á meirihlutann í Grímsstöðum á Fjöllum og jarðir í Vopnafirði. Formaður Bændasamtaka Íslands hefur sagt að það þurfi að ákveða hvernig hátta eigi jarðakaupum til frambúðar. Jarðakaup hafi viðgengist óáreitt án reglna og þannig megi það ekki vera.

Sigurður Ingi Jóhannsson, samgöngu- og sveitastjórnarráðherra sagði í samtali við RÚV í júlí að losað hafi verið of mikið um jarðalög um aldamótin og herða þurfi reglur á ný. Hann hefur jafnframt sagt að það þurfi að varðveita jarðir á Íslandi í eigu þeirra sem hér búa.

„Ég tel að í núverandi ríkisstjórn sé hljómgrunnur fyrir því að skoða þessar leiðir betur og það er það sem við erum að vinna og vonandi endar með frumvörpum í haust,“ sagði Sigurður Ingi í samtali við RÚV í síðasta mánuði.

 

Attachments

Tengdar færslur

thumbnail
hover

Tengdamóðirin eftirminnilegasti vinnufélaginn

Maður vikunnar er Ólafsfirðingur búsettur á Dalvík. Hann byrjaði ungur að vinna í fiski hjá Sigvalda Þorleifs, en var síðar á ...

thumbnail
hover

Öflugur liðstyrkur í veiðieftirliti Fiskistofu

Fiskistofa réði nýverið sex nýja eftirlitsmenn til starfa í stað eldri starfsmanna sem látið hafa af störfum. Nýju veiðieftirlit...

thumbnail
hover

Líf og fjör í Norðfjarðarhöfn

Það hefur svo sannarlega verið mikið um að vera í Norðfjarðarhöfn síðustu dagana. Veiðiskip koma og fara og flutningaskip koma o...