Rækju- og krabbasúpa

Nú fáum við okkur súpu. Við notum stóra hlýsjávarrækju og niðursoðið krabbakjöt. Þetta hráefni má nálgast í flestum búðum, til dæmis þeim austurlensku. Þetta er matarmikil og bragðgóð súpa og góð í veislur eða bara einfaldan kvöldverði.

1 msk. ólívuolía

2 msk. smjör

3 blaðlaukar sneiddir

4 hvítlauksgeirar, marðir

½ tsk. rauðar piparflögur

2 msk. tómatpúrra

4 bollar fiskisoð

2 bollar vatn

1 dós, um 400g af sneiddum tómötum

1 tsk. Old Bay seasoning eða mulin lárviðarlauf

1 msk. sykur

1 bolli af þurru sherrý

2 tsk. salt

1 tsk. nýmalaður svartur pipar

¼ bolli hveiti

1 bolli rjómi

500g hlýsjávarrækjur, skelflettar og garnhreinsaðar

2 dósir krabbakjöt um 400g

2 msk. söxuð steinselja

„Krabbatopping“

Safi úr hálfri sítrónu

2 msk. mæjónes

1 tsk. Dijon sinnep

1 tsk. venjulegt sinnep

1 msk. fersk steinselja, söxuð

1 dós krabbakjöt, um 200g

salt og pipar

Aðferðin:

Hitið olíu og smjör á pönnu að miðlungshita og setji blaðlaukinn, hvítlaukinn og rauðu piparflögurnar út á pönnuna og látið mýkjast. Færið síðan laukblönduna yfir í góðan pott. Bætið út í hann tómatpúrru, fiskisoði, vatni, tómötum, Old Bay kryddi og sykri og hrærið vel saman við miðlungshita.

Hrærið saman sherrý og hveiti saman í blandara og hrærið út í súpuna og látið hana malla undir loki á lágum hita í hálftíma. Bætið þá rækju, rjóma, krabbakjöti og steinselju út í. Haldið súpunni heitri.

„Krabbatopping“

Meðan súpan sýður blandið saman sítrónusafa, mæjónesi, sinnepinu og steinselju í skál og bætið síðan krabbakjötinu út í og haldið köldu þar til blandan er notuð.

Ausið súpunni í skálar og jafnið krabbablöndunni út á. Berið fram með ristuðu brauði eða hvítlauksbrauði.