Rekstrarleyfi Matorku endurnýjað

83
Deila:

Matvælastofnun hefur endurnýjað rekstrarleyfi Matorku ehf. að Húsatóftum, svæði i6, vestan Grindavíkur í samræmi við lög um fiskeldi. Matvælastofnun auglýsti tillögu að rekstrarleyfi á vef stofnunarinnar þann 13. janúar 2021 og var frestur til að skila inn athugasemdum til 10. febrúar 2021.

Matorka ehf. sótti um endurnýjun á rekstrarleyfi vegna 190 tonna hámarkslífmassa til seiðaeldis á laxi, bleikju og regnbogasilungi. Umsókn um endurnýjun á rekstrarleyfi var móttekin 5. október 2020. Úttekt starfsstöðvar hefur farið fram og staðfestir Matvælastofnun gildistöku rekstrarleyfis Matorku ehf. að Húsatóftum vestan Grindavíkur FE-1170 en starfsemin er einnig háð starfsleyfi Umhverfisstofnunar.

Heimilt er að kæra ákvörðun Matvælastofnunar um útgáfu rekstrarleyfisins til úrskurðarnefndar umhverfis- og auðlindamála og er kærufrestur einn mánuður.

 

Deila: