-->

Síldin hélt sig í Kolluál

Sá hluti stofns íslenskrar sumargotssíldar sem ekki skilaði sér í rannsóknum í fyrrahaust er fundinn út af Snæfellsnesi.Vísbendingar bárust frá loðnuskipum fyrir um mánuði að síld væri að finna í Kolluál. Það var staðfest þegar Hafrannsóknastofnun mældi þar rúmlega 200 þúsund tonn í síðustu viku. Þekkt er að síldin hafi áður haft vetursetu í Kolluál og á Látragrunni.
Frá þessu er sagt á mbl.is og haft eftir Guðmundi J. Óskarsson fiskifræðingi að ef þessi síld hefði ekki skilað sér hefði þurft að taka tillit til þess í stofnmati, sem hefði síðan leitt til ráðgjafar um minni veiði. Stofnmatið og veiðiráðgjöfin verði nú væntanlega í meiri takti við það sem verið hefur síðustu ár, að sögn Guðmundar.

Rétt er nefna í þessu sambandi að fyrir rúmum mánuðum var frétt á kvotinn.is um mikla síldveiði Hákons EA og Ásgríms Halddórssonar SF í Kolluál. Fréttina má sjá á eftirfarandi slóð.

https://audlindin.is/100-tonn-af-sild-a-minutu/