Skrýtið að fara til tannlæknis til sjós

Maður vikunnar af þessu sinni er frá Ketilsstöðum í Jökulsárhlíð. Hann er stýrimaður á frystitogaranum Blæng, sem nýkominn er upp í Barentshaf til þorskveiða. Þangað hefur Blængur sótt mikinn afla undanfarin ár. Hann langar til að fara og skoða eyðimerkurborgina Petru í Jórdaníu.

Nafn:

Geir Stefánsson.

Hvaðan ertu?  

Frá Ketilsstöðum í Jökulsárhlíð, en er búsettur á Reyðarfirði.

Fjölskylduhagir?   

Vel giftur.

Hvar starfar þú núna?

Stýrimaður á Blæng NK-125.

Hvenær hófst þú vinnu við sjávarútveg?      

Í desember 1983 er ég fór í siglingu til Cuxhaven.

Hvað er það skemmtilegasta við að vinna við íslenskan sjávarútveg?        

Að koma heim með góðan afla.

En það erfiðasta?       

Fjarvera frá fjölskyldunni.

Hvað er það skrýtnasta sem þú hefur lent í í störfum þínum? 

Að fara til tannlæknis til sjós.

Hver eftirminnilegasti vinnufélagi þinn?    

Birgir Hermann Sigmundsson.

Hver eru áhugamál þín?  

Ferðalög og útivera.

Hver er uppáhaldsmaturinn þinn?        

Kótelettur í raspi.

Hvert færir þú í draumfríið?    

Til Petru í Jórdaníu.