-->

Skrýtið að snyrta þorskfés

Maður vikunnar að þessu sinni er frá Þinganesi í Hornafirði. Hún byrjaði að vinna í fiski 17 ára í frystihúsi Kaupfélags Austur-Skaftfellinga. Humar er uppáhalds maturinn og hana langar í frí til sólarlanda.

Nafn:

Sigurbjörg Einarsdóttir.

Hvaðan ertu?

Þinganesi í Hornafirði.

Fjölskylduhagir?

Gift Haraldi Jónssyni, eigum við 3 börn, 1 tengdadóttir og 3 barnabörn.

Hvar starfar þú núna?

Ég er flokkstjóri Í Skinney Þinganes hf.

Hvenær hófst þú vinnu við sjávarútveg?

Ég byrjaði 1976 þá 17 ára að aldri í frystihúsi Kaupfélagsins sem er Skinney Þinganes núna.

Hvað er það skemmtilegasta við að vinna við íslenskan sjávarútveg?

Að sjá hvernig þróunin hefur verið á meðferð og nýtingu aflans og þróun á vinnslulínum.

En það erfiðasta?

Þegar hlutirnir ganga ekki upp.

Hvað er það skrýtnasta sem þú hefur lent í í störfum þínum?

Þegar ég snyrti þorskfés fyrst.

Hver eftirminnilegasti vinnufélagi þinn?

Búin að vinna með svo mörgu góðu fólki í gegnum ævina að það væri óðs manns æði að nefna einn.

Hver eru áhugamál þín?

Að hekla.

Hver er uppáhaldsmaturinn þinn?

Humar.

Hvert færir þú í draumfríið?

Þar sem sólin skín í það skiptið.

Tengdar færslur

thumbnail
hover

Vaxandi tekjur af fiskeldi

Útflutningstekjur af fiskeldi jukust úr 9,6 milljörðum króna árið 2016 í 29,3 milljarða króna á síðasta ári. Um er að ræða ...

thumbnail
hover

Fundað um uppsjávarveiðar í London

Þessa dagana standa yfir í London viðræður strandríkja um veiðistjórnun á makríl, kolmunna og norsk-íslenskri síld. Samtímis fa...

thumbnail
hover

Uppsjávarveiðarnar blómstra

Þegar þetta er ritað er verið að ljúka við að landa 1.600 tonnum af norsk-íslenskri síld úr Beiti NK í Neskaupstað. Að sjálfs...