-->

Steinbítur í kókoskarrý og engifer

Kókosmjólk og karrý fara einstaklega vel saman. Þegar svo í sósuna er kominn hágæða íslenskur fiskur, smávegis af grænmeti og góð hrísgrjón, er búið að útbúa mjög ljúffengan fiskrétt með austurlenski ívafi. Við bendum á steinbít í þennan holla og góða rétt, en auðvitað má nota annan fisk, ef fólk kýs það.

Innihald:

800g steinbítsflök í fjórum jöfnum bitum, roðlaus og beinlaus

Sjávarsalt og nýmalaður svartur pipar

4 tsk. ólívuolía

3 vorlaukar skornir í 2 sentímetra bita

1 msk. ferskur marinn engifer

1 tsk. túrmerik duft

1 miðlungsstór gulrót skorin í strimla

1 dós kókosmjólk um 4 dl

1 msk rautt karrýmauk eða meira eftir smekk (einnig má nota gott karrýduft t.d. frá Balí)

¼ bolli ferskur kóreander  til skrauts

Aðferð:

Hitið ofninn í 80 gráður.

Kryddið fiskinn með salti og pipar. Hitið 2 msk. af ólífuolíu og steikið fiskinn á báðum hliðum þannig að hann verði fallega gullinn. Færið hann svo yfir á eldfast form og haldið honum heitum í ofninum.

Setjið afganginn af olíunni á pönnuna. Setjið vorlaukinn á pönnuna og mýkið hann í 2-3 mínútur. Bætið þá engifer og  túrmerik útá og hrærið í 1 mínútu eða svo. Bætið þá gulrótunum út á og látið krauma uns þær eru orðnar mjúkar. Færið grænmetið yfir í skál og lokið henni til að halda því heitu.

Hellið nú kókosmjólkinni út á pönnuna og hrærið karrýmaukinu saman við. Látið  vökvann sjóða aðeins niður og bætið við karrý eftir smekk. Einnig má nota gott karrýduft í sósuna. Bætið þá grænmetinu út á pönnuna

Færið fiskinn nú upp á fjóra diska og jafnið sósunni yfir þá. Dreifið loks smávegir af kóreander yfir og berið réttinn fram með soðnum hrísgrjónum.

Tengdar færslur

thumbnail
hover

13 ára háseti með félaga sínum...

Maður vikunnar starfar í þeirri atvinnugrein sem mestur vöxtur er í um þessar mundir og hefur hleypt lífi í margar byggðir sem átt...

thumbnail
hover

Brim tekur þátt í Síminn Cyclothon

Brim tekur þátt í Síminn Cyclothon keppninni sem hófst í gær við Egilshöll. Keppnin er boðhjólakeppni þar sem átta manna lið ...

thumbnail
hover

Tæp 150.000 tonn af kolmunna komin...

Hoffell SU er nú aflahæst á kolmunnaveiðum frá áramótum. Samkvæmt aflastöðulista Fiskistofu hefur Hoffellið landað 17.176 tonnum...