Steinunn komin heim
Ný Steinunn SF í eigu Skinneyjar/Þinganess er kom til heimahafnar á Höfn í Hornafirði í síðustu viku. Hún er nú komin í Hafnarfjörð og þar verður settur í hana vinnslubúnaður á millidekk, frá Micro, Völku og Kælingu.
Skinney er eitt sjö skipa, sem samið var um smíði á við norsku skipasmíðastöðina Vard. Hún er næstsíðasta skipið, sem er afhent úr seríunni. Þinganes í eigu Skinneyjar Þinganess verður síðasta skipið. Það kemur heim rétt fyrir jól.
Áætlað er að Steinunn fari á veiðar um miðjan febrúar. Gamla Steinunn hefur verið tekin upp í slipp og verður afhent á fimmtudaginn til Nesfisks, sem einnig keypti Hvanney í sumar og heitir hún Sigurfari í dag. Loks er Þinganes komið á söluskrá. Nýtt Þinganes er áætlað að komi til Hornafjarðar 21. desember.,
Fyrir utan þessar nýsmíðar komu Þórir og Skinney úr lengingu og miklum endurbótum í sumar. Fyrirtækið fækkar um einn bát eftir þessar breytingar allar. Við þetta breytist útgerðarmynstrið töluvert, því frá stofnun fyrirtækisins hefur verið gert út á netaveiðar og frá 2005 á snurvoð líka auk togaveiða. Nú verða þau veiðarfæri aflögð og veiðar eingöngu stundaðar á togskipum. Áætlað er að tvö skipanna stundi humarveiðar næsta sumar, verði þær veiðar leyfðar. Það verða þá Þórir og Skinney yfir sumartímann, annars verða skipin á fiskitrolli.