-->

Svandís tekur við af Kristjáni Þór

Ráðherraskipti urðu í atvinnuvega- og nýsköpunarráðuneytinu í gær þegar Svandís Svavarsdóttir tók við embætti sjávarútvegs- og landbúnaðarráðherra af Kristjáni Þór Júlíussyni.

Í nýjum stjórnarsáttmála ríkisstjórnarinnar er fjallað ítarlega um sjávarútvegs- og landbúnaðarmál. Þar eru meðal annars sett fram metnaðarfull markmið um að auka hlutfall hollra og næringarríkra matvæla á grundvelli öflugrar innlendrar matvælaframleiðslu. Einnig er fjallað um mikilvægi grænna skrefa í sjávarútvegi og að móta þurfi heildstæða stefnu um uppbyggingu, umgjörð og gjaldtöku í fiskeldi. Þá sé mikilvægt að huga og hlúa að nýsköpun og framþróun á neytendamarkaði.

„Matvælaframleiðsla, landbúnaður og sjávarútvegurinn eiga sér djúpar rætur í samfélaginu og hafa jafnframt mikið fram að sækja þegar við horfum til nýsköpunar og þróunar en einnig loftslagsmála,“ segir Svandís. „Verkefnin eru áhugaverð og spennandi og nú er að bretta upp ermarnar og fara í það sem framundan er.“

Tengdar færslur

thumbnail
hover

Stuðla að grænum skrefum í sjávarútvegi

Frumvarp til laga um breytingu á lögum um veiðar í fiskveiðilandhelgi Íslands og breytingar á lögum um stjórn fiskveiða (aflvísir...

thumbnail
hover

Íþyngjandi gjaldtaka hægir á verðmætasköpun í...

„Gjaldtaka í sjókvíaeldi er umfangsmeiri en í flestum öðrum atvinnugreinum hér á landi. Flest fyrirtæki greiða hefðbundin gjöl...

thumbnail
hover

Mikið óveitt af ufsa

Mikið er óveitt af ufsa nú þegar fiskveiðiárinu er að ljúka. Það er svipuð staða og í fyrra. Kvótinn nú er 78.700 tonn, aflin...