-->

Syngja saman í kaffitímum

Maður vikunnar að þessu sinni er langt að komin. Hún er frá Filippseyjum en starfar nú við gæðaeftirlit í fiskvinnslu Brims á Norðurgarði. Hún hefur áhuga á að ferðast um landið og lambahryggur er uppáhaldsmaturinn hennar

Nafn:

Hermina Rós Jamora 

Hvaðan ertu?

Jagna Bohol Filippseyjum.

Fjölskylduhagir?

Fjölskylda mín er nokkur stór, við erum alls 14. Hluti af fjölskyldunni býr erlendis, í Evrópu  og Filippseyjum. Ég á eina dóttur og einn son, tvær systur mínar búa á Íslandi. Maðurinn minn er Íslendingur hann á þrjú börn. 

Hvar starfar þú núna?

Ég er fiskvinnslukona og vinn hjá Brimi Norðurgarði 7. Eftir 5 ár í fiskvinnslu varð ég valin að vinna við gæðaeftirlit hjá HB-Granda sem er Brim í dag. Ég vinn með systir minni Lovísu sem hefur unnið mjög lengi við gæðaeftirlit. 

Hvenær hófst þú vinnu við sjávarútveg?

Ég hóf störf árið 2004 hjá HB-Granda. 

Hvað er það skemmtilegasta við að vinna við íslenskan sjávarútveg?

Vera með skemmtilegu fólki í Brim, tengjast því og búa til skemmtilegar minningar með þeim. 

En það erfiðasta?

Næturvinna finnst mér erfið. Það er svo erfitt að þurfa snúa sólarhringnum við. 

Hver eftirminnilegasti vinnufélagi þinn?

Minn allra besti vinnufélagi er Dögg. Hún er alltaf að kenna mér betri íslensku  og það er svo yndislegt að hafa hana mér við hlið hún er eins og mamma mín, svo eigum það til að syngja saman í kaffitímum á íslensku, íslensk lög. 

Hver eru áhugamál þín?

Útivera. Ferðast um landið okkar og búa til fallegar minningar. 

Hver er uppáhaldsmaturinn þinn?

Lambahryggur 😉 

Hvert færir þú í draumafríið?

Ég myndi fara heim til Filippseyja, Bohol og njóta með fjölskyldunni.

Tengdar færslur

thumbnail
hover

Góður þorskafli í kantinum fyrir vestan

Ísfisktogarinn Helga María AK kom til hafnar í Reykjavík í vikubyrjun með um 185 tonna afla. Þetta er afrakstur veiðiferðar á Vest...

thumbnail
hover

Sterk framlegð og stefnumarkandi skref til...

„Við erum ánægð með afkomuna á þriðja ársfjórðungi og það sem af er ári og erum áfram bjartsýn á framtíðarhorfur félag...

thumbnail
hover

Nýr Jökull til GPG

Hér er nýr Jökull við bryggju í Reykjavík í dag. Þetta er nýtt skip í flota GPG seafood ehf sem er með starfsstöðvar á Húsav...