Tandoori bleikja

Bleikja er einhver besti matfiskur sem fáanlegur er. Bragðið einstakt og holdið fallega ljósrautt. Þá er mikið af D vítamíni og Omega 3 fitusýrum í bleikjunni  og fyrir vikið er hún einstaklega holl. Ísland er stærsti framleiðandi bleikju í öllum heiminum með meira en helming framleiðslunnar. Fyrir vikið er aldrei vandamál að nálgast bleikjuflök, hvort sem þau eru fersk eða frosin.

Ingredients:

4 bitar úr bleikjuflökum, um 200 g hvert

1 matskeið tandoori karrýmauk

500 g nýjar kartöflur skornar í hæfilega bita

2 msk mararolía

2 hvítlauksrif, söxuð

1 tsk malað cumin

1 tsk garam masala eða mulinn kóríander

½ tsk mulið túrmerik

sýrður rjómi, kóríanderlauf og mangó Chautney sem meðlæti.

Aðferð:

Roðflettið og fituhreinsið bleikjubitana. Smyrjið þá með karrýmaukinu.  Sjóðið kartöflurnar í söltu vatni í 15 til 20 mínútur. Færið þær upp úr pottinum og þerrið.

Hitið ofninn í 200°C og bakið fiskinn í eldföstu móti þar til hann er eldaður í gegn 8 til 15 mínútur eftir þykkt bitanna.

Á meðan bleikjan er að bakast, hitið matar olíu á góðri pönnu og bætið hvítlauknum og kryddinu út í. Steikið síðan kartöflurnar í heitri olíunni þar til þær verða gylltar að utan.  Færið bleikjuna og kartöflurnar yfir á fat og stráið kóríanderlaufunum yfir og berið fram með sýrðum rjóma og mango chautney.
Í upphaflegri uppskrift eru frosnar grænar baunir, sem hitaðar eru á pönnunni með kartöflunum, en okkur fannst betra að sleppa þeim.

.