Þorskur í hvítvíns- og tómatsósu
Þorskurinn er í uppáhaldi hjá ansi mörgum, enda hægt að matreiða hann óteljandi vísu. Hér kemur ein suðræn og þægileg uppskrift. Bæði holl og góð.
Hvítvíns- og tómatsósan:
- 2 msk olífuolía
- ½ tsk muldar rauðar piparflögur
- 3 stór hvítlauksrif smátt söxuð
- 10 cherry tómatar skornir til helminga
- 1 dl hvítvín
- ½ bolli fersk basilíka, söxuð fínt
- 2 msk ferskur sítrónusafi
- ½ teskeið sítrónubörkur
- ½ teskeið salt, eða meira eftir smekk
- ¼ teskeið nýmulinn svartur pipar. Eða meira eftir smekk
Þorskurinn:
- 2 matskeiðar ólífuolía
- Fjögur góð þorskstykki svipuð að þyngd, hvert um sig um 200 g.
- Salt og pipar
Aðferðin:
Forhitið ofninn í 180°
Sósan:
- Hitið olíu á stórri steikingarpönnu. Haldið henni á meðalhita og bætið út á hana piparflögum og hvítlauk og látið steikjast í um það bil eina mínútu eða þar til laukurinn er byrjaður að gyllast. Setjið þá tómatana á pönnuna og steikið í 9 til 12 mínútur, þannig að þeir verði mjúkir og byrja að flagna, en haldi þó lögun sinni. Bætið þá hvítvíninu út í og látið malla í 2 til 4 mínútur. Hrærið loks basilíkunni, sítrónusafa og sítrónuberki saman við og saltið og piprið. Setjið sósuna í skál og leggið til hliðar og haldið heitri.
Þorskurinn:
Hitið ólífuolíu á góðri pönnu að meðalhita. Kryddið þorskinn með salti og pipar. Steikið þorskinn í olíunni á báðum hliðum þar til hann er orðinn gullinn og gegneldaður. Hellið sósunni yfir fiskinn og berið strax fram með soðnum kartöflum og eða hrísgrjónum og góðu salati,