-->

Togararnir fyrir vestan vegna veðurs

,,Við fórum hingað norður eftir, í og með veðurspána í huga, en það er spáð skítabrælu fyrir sunnan. Við hófum veiðar reyndar fyrir sunnan og tókum þar hluta af karfaskammtinum en nú erum við komnir í kantinn vestur af Patreksfirði og við verðum væntanlega á Vestfjarðamiðum út túrinn,“ segir Friðleifur Einarsson, skipstjóri á ísfisktogaranum Engey RE í spjalli við heimasíðu HB Granda síðastliðinn föstudag.

Engey hóf yfirstandandi veiðiferð sl. miðvikudag eftir stutt stopp í Reykjavíkurhöfn. Tíminn var notaður til að landa afla veiðiferðarinnar, 600 körum af fiski eða alls um 180 tonnum, og svo var lagt í hann að nýju.

,,Að þessu sinni byrjuðum við veiðar á Eldeyjarbanka og tókum þar hluta af karfaskammtinum. Í ljósi versnandi veðurs og veðurspárinnar fyrir helgina var skynsamlegast að drífa sig norður á Vestjarðamið,“ segir Friðleifur en ljóst er að fleiri hugsa líkt því töluverður fjöldi togara er nú að veiðum á Vestfjarðamiðum og þar með taldir eru allir HB Grandatogararnir, að Örfirisey RE undanskildum en sá frystitogari er nú á úthafskarfamiðunum á Reykjaneshryggnum.

Að sögn Friðleifs hefur verið þokkalegasta veiði í kantinum vestur af Patreksfirði frá því að skipið kom á svæðið. Aflinn er aðallega þorskur en með honum hefur fengist ufsi og karfi. Samkvæmt áætlun á Engey ekki að vera í höfn fyrr en í dag þannig að áhöfnin hafði góða þrjá sólarhringa í viðbót til að ná fullfermi.

Tengdar færslur

thumbnail
hover

Mast heimilar eldi á sæeyrum í...

Í samræmi við reglugerð nr. 1133/2021 hefur Matvælastofnun ákveðið að skrá Sæbýli rekstur ehf. með fiskeldi í Grindavík. Um...

thumbnail
hover

Gat á kví við Vattarnes –...

Matvælastofnun barst tilkynning frá Löxum Fiskeldi fimmtudaginn 20. janúar um gat á nótarpoka einnar sjókvíar Laxa við Vattarnes í...

thumbnail
hover

„Norðlendingur“ fyrir austan. Enginn frá borði...

Kaldbakur EA 1 – togari Útgerðarfélags Akureyringa – landaði 110 tonnum á Akureyri í gærmorgun, uppistaða aflans var þo...