-->

Tóta á Enda eftirminnileg

Maður vikunnar að þessu sinni hefur haft umtalsverð jákvæð áhrif á fiskneyslu íslensku þjóðarinnar. Fyrirtæki hans og fjölskyldu, Grímur kokkur, hefur lífgað verulega upp á þá flóru tilbúinna fiskrétta sem í boði eru á almennum markaði. Þetta á ekki síst við um ungu skynslóðirnar, sem auðvitað eru fiskætur framtíðarinnar. Svo spilar hann á trommur í frístundum.

Nafn:

Grímur Þór Gíslason.

Hvaðan ertu?

Vestmannaeyjum.

Fjölskylduhagir?

Kvæntur Ástu Maríu Ástvaldsdóttur og við eigum 3 börn og 4 barnabörn.

Hvar starfar þú núna?

Hjá Grími kokki ehf.

Hvenær hófst þú vinnu við sjávarútveg?

12 ára gamall í saltfiski í Nöf.

Hvað er það skemmtilegasta við að vinna við íslenskan sjávarútveg?

Að skapa nýungar úr fiskafurðum.

En það erfiðasta?

Geta stundum verið langar tarnir.

Hvað er það skrýtnasta sem þú hefur lent í í störfum þínum?

Það var fyrir mörgum árum sem ég var búinn að lofa 15 rétta sjávarréttahlaðborði fyrir 150 manns um miðjan ágúst og því kvótaárið að klárast og á fiskmarkaðnum var eingöngu til ufsi. En það var ekki vandamál því ég bjó til margar nýjar uppskriftir, þar á meðal urðu djúpsteiktu blálöngubollurnar til, auðvitað úr ufsa.

Hver eftirminnilegasti vinnufélagi þinn?

Það er Tóta á Enda. Var að vinna með henni sem peyi í saltfiskinum í Nöfinni.

Hver eru áhugamál þín?

Tónlist og spila á trommur.

Hver er uppáhaldsmaturinn þinn?

Góður saltfiskréttur, það toppar það fátt.

Hvert færir þú í draumfríið?

Siglingu um Karabíska hafið.

 

Tengdar færslur

thumbnail
hover

Lítil frávik í íshlutfalli

Fiskistofa birtir hér niðurstöður vigtunar m.t.t. íshlutfalls hjá þeim vigtunarleyfishöfum þar sem veiðieftirlitsmenn Fiskistofu h...

thumbnail
hover

Rækjuveiðar hafnar í Djúpinu

Rækjuveiðin í Ísafjarðardjúpi hófst í síðustu viku. Halldór Sigurðsson ÍS fór þrjá róðra og að sögn Alberts Haraldssonar...

thumbnail
hover

Úthlutun byggðakvóta fyrir Flateyri frestað

Byggðastofnun hefur ákveðið að fresta úthlutun aflamarks á Flateyri og veita umsækjendum færi á því að uppfæra umsóknir. Ákv...