-->

Vertu sæll, Brynjólfur, takk fyrir allt!

„Við vorum að ganga frá um borð og kveðja höfðingjann. Það var sérstök tilfinning,“ sagði Klemens Sigurðsson skipstjóri á Brynjólfi VE-3 í Belgíu eftir að hafa skilað skipinu í hendur nýrra eigenda.

Vinnslustöðin seldi skipið til niðurrifs og kaupendurnir tóku sem sagt við því ytra á miðvikudagskvöld. Fjögurra manna áhöfn sigldi Brynjólfi út og sonur eins þeirra var sá fimmti um borð.

„Við lögðum af stað frá Vestmannaeyjum 1. desember og komum hingað á áfangastað að kvöldi 6. desember. Lokaáfanginn var óvenjulegur fyrir okkur og býsna krefjandi. Við sigldum eftir skipaskurðum langt inn í land og umferð var mikil á leiðinni. Óhætt er að segja að leggur ferðarinnar hafi verið krefjandi og kallaði á ekki minna en 110 prósenta árvekni og aðgæslu,“ segir Klemens í samtali við heimasíðu Vinnslustöðvarinnar!

Brynjólfur er íslenskt gæðaskip, smíðaður á Akranesi 1987 og var liður í raðsmíðaverkefni í íslenskum skipasmíðaiðnaði á þeim tíma. Skipið hefur alla tíð verið í mikilli notkun. Það hefur verið rækjufrystiskip, botnfisktogari, humarbátur og netabátur og alltaf gengið vel.

Vinnslustöðin eignaðist Brynjólf árið 2005 og gerði þá miklar endurbætur á skipinu. Nú var aftur kominn mikil þörf fyrir viðhald og endurbætur en ekki var talið borga sig að fara í slíkt núna. Skipið er einfaldlega búið að gegna sínu hlutverki og skila sínu.

Frá vinstri á myndinni eru Leifur Hjartarson (sonur Hjartar Sigurðssonar), Hjörtur Sigurðsson vélstjóri, Klemens Sigurðsson skipstjóri, Úlfar Kári Jóhannsson vélstjóri og Helgi Ágústsson stýrimaður.

 

Tengdar færslur

thumbnail
hover

Frumraun Hoffellsins á kolmunnamiðunum

Uppsjávarskipið Hoffell SU er nú á landleið með 2.250 tonn af kolmunna sem fékkst um 100 mílur suður af Færeyjum, að því er seg...

thumbnail
hover

Losuðu dauðan hval

Áhöfn sjómælingaskipsins Baldurs losaði síðastliðinn miðvikudag dauðan hval á Stakksfirði en hann hafði flækst í botnföstu t...

thumbnail
hover

Skagfirðingar mótmæla breytingum á strandveiðikerfinu

Í nýrri ályktun Drangeyjar, smábátafélags Skagafjarðar er mótmælt fyrirætlan Svandísar Svavarsdóttur, matvæltráðherra, að hv...