-->

Ýsa í engifer og soja

Ýsan er í miklu uppáhaldi hjá okkur Íslendingum. Hún er afbragðs matfiskur sem elda má á óteljandi vegu. Nú eldum við hana með austurlensku ívafi. Einfaldur og góður fiskréttur.

Innihald:

•             4 ýsubitar, roð- og beinlausir, um 180g hver

•             1 ½ bolli sojasósa

•             Þumlungur af ferskum engifer, afhýddur og saxaður smátt

•             ½ laukur, smátt saxaður

•             ½ bolli púðursykur

•             safi úr tveimur sítrónum

•             1/1 bolli fersk steinselja, söxuð

•             salt og svartur pipar eftir smekk

Aðferðin:

Hrærið öllu innihaldinu í maríneringu í skál og leggið ýsubitana í hæfilegt fat og hellið maríneringunni yfir. Setjið plast filmu yfir fatið og látið marínerast í 1 til 2 tíma í ísskáp.

Veiðið bitana upp úr maríneringunni og bakið í ofni í um 25 mínútur við 180°C. Athugið að bökunartíminn ræðst af þykkt bitanna. Færið fiskinn síðan upp á diska og jafnið maríneringunni á þá. Berið fram með soðnum hrísgrjónum og fersku salati.

Tengdar færslur

thumbnail
hover

Mast heimilar eldi á sæeyrum í...

Í samræmi við reglugerð nr. 1133/2021 hefur Matvælastofnun ákveðið að skrá Sæbýli rekstur ehf. með fiskeldi í Grindavík. Um...

thumbnail
hover

Gat á kví við Vattarnes –...

Matvælastofnun barst tilkynning frá Löxum Fiskeldi fimmtudaginn 20. janúar um gat á nótarpoka einnar sjókvíar Laxa við Vattarnes í...

thumbnail
hover

„Norðlendingur“ fyrir austan. Enginn frá borði...

Kaldbakur EA 1 – togari Útgerðarfélags Akureyringa – landaði 110 tonnum á Akureyri í gærmorgun, uppistaða aflans var þo...