Sjónvarpsstjarna í raunveruleikaþætti!
Maður vikunnar að þessu sinni er Tálknfirðingur, sem byrjaði 14 ára sem háseti til sjós, en stýrir nú einum af stærstu frystitogurum landsins með góðum árangri. Hann hefur áhuga á garðyrkju og íþróttum og finnst gott að fá lambafille á grillið.
Nafn:
Sigurður Jónsson.
Hvaðan ertu?
Tálknafirði.
Fjölskylduhagir?
Giftur Fanneyju Pétursdóttur og eigum við fjögur börn og þrjú barnabörn.
Hvar starfar þú núna?
Skipstjóri á Tómasi Þorvaldssyni GK 10.
Hvenær hófst þú vinnu við sjávarútveg?
Byrjaði 14 ára sem háseti á Tálknfirðingi BA-325.
Hvað er það skemmtilegasta við að vinna við íslenskan sjávarútveg?
Fjölbreytnin.
En það erfiðasta?
Veðráttan.
Hvað er það skrýtnasta sem þú hefur lent í í störfum þínum?
Að verða allt í einu sjónvarpsstjarna í raunveruleikaþætti.
Hver eftirminnilegasti vinnufélagi þinn?
Það er ósanngjarnt að taka einhvern út úr annars frábærum starfsmannahópi sem ég hef átt kost á að vinna með. Allir eftirminnilegir á sinn hátt.
Hver eru áhugamál þín?
Garðyrkja og íþróttir.
Hver er uppáhaldsmaturinn þinn?
Lambafille á grillið.
Hvert færir þú í draumfríið?
Alltaf á Stökustað!