Humarveiðisvæðum í Jökuldýpi lokað
Hafrannsóknastofnun vekur athygli á reglugerðarlokun 837/2020 um tímabundna lokun á tveimur svæðum í Jökuldjúpi vegna atferlisrannsókna á humri. Lokunin gildir frá 27. ágúst til 15. nóvember.
Í vikunni voru sett út hlustunardufl sem taka á móti sendingum frá merkjum sem fest eru á humra á svæðunum tveimur. Þannig er hægt að fylgjast með atferli humars, þ.e. ferðum einstakra dýra um botninn og hversu miklum tíma humarinn ver í holum sínum. Vonast er til að niðurstöðurnar munu væntanlega nýtast inn í stofnmat humars minnka óvissuna í mati á stofninum.
Humar hefur á undanförnum árum fækkað mikið á Íslandsmiðum vegna viðvarandi nýliðunarbrests og hefur Hafrannsóknastofnun ráðlagt mjög takmarkaðar veiðar á humri síðastliðin tvö ár.