Árleg æfing um mengunarvarnir haldin
Í vikunni hélt áhöfnin á varðskipinu Þór árlega æfingu þar sem notkun mengunarvarnabúnaðar varðskipsins var æfð.
Mengunarvarnargirðing varðskipsins Þórs, sem er um 300 metra löng, var dregin út auk þess sem olíudæla skipsins var sett í hafið. Hlutverk hennar er að dæla olíu úr sjó og um borð í varðskipið.
Dráttarbáturinn Leynir var sömuleiðis fenginn til aðstoðar við æfinguna. Fulltrúar Landhelgisgæslunnar og Samgöngustofu fylgdust æfingunni sem gekk afar vel að þessu sinni.
Meðfylgjandi myndband tók Sævar Már Magnússon.
https://youtu.be/cv-W2YdVI0A