Alþjóðadegi hafsins fagnað
Alþjóðadagur hafsins var í gær, en hann er skipulagður af sameinuðu þjóðunum. Deginum er ætlað að minna á mikilvægi heimshafanna í daglegu lífi, vekja athygli á áhrifum athafna mannsins á höfin, stuðla að alþjóðasamvinnu og sjálfbærri nýtingu.
Deginum var fagnað með viðburði á netinu þar sem þemað: Höfin, líf og lífsviðurværi, er í forgrunni. Sameinuðu þjóðirnar hafa helgað áratuginn 2021-2030 hafrannsóknum í þágu sjálfbærrar þróunar. Markmiðið er að vekja til vitundar, efla rannsóknir og vernd hafsins.
Ljósmynd Svanhildur Egilsdóttir.