-->

Blautklútar í hverju togi

Í Grunnslóðaleiðangri Hafrannsóknastofnunar, sem nú stendur yfir, eru stundaðar rannsóknir á flatfiskategundum, sandsíli og sæbjúgum á grunnslóð allt í kringum landið. Í ár var nýs og óskemmtilegs meðafla vart, en blautklútar, ættaðir úr skólpi þéttbýlisstaða voru algengir í togum okkar við Faxaflóa.

Blautklútar fundust í flestum togum í Grunnslóðarleiðangri við flóann en mest var magnið við Akranes og við minni Borgarfjarðar, eða tæp 2 kg við Akranes og rúmt kg í Borgarfirði. Auk blautklútanna „veiddust” ýmsar aðrar hreinlætisvörur, eins og dömubindi, eyrnapinnar, latexhanskar og umbúðir sem eiga líklega rætur að rekja til skólps. Hafrannsóknastofnun hefur ekki skráð hreinlætisvörur til „tegunda“ í leiðöngrum sínum en það er upplifun leiðangursmanna að magn hreinlætisvara sé mun meira í ár en árin á undan.

Við viljum því hvetja fólk til að passa sig að henda þessum hlutum í ruslið, en ekki sturta þeim niður, því að jafnvel þó að pakkningin segi að klútarnir séu niðursturtanlegir, þýðir það ekki að þeir brotni hratt niður í náttúrunni.

Í leiðangrinum er togað með 4 m bjálkatrolli á grunnsævi.  Markmið leiðangursins er stofnmæling á flatfiskum og sandsíli. Sérstaklega er verið að reyna að fá mat á nýliðun flatfiska.  Í ár var einnig bætt við leiðangurinn togstöðvum til að fylgjast með þéttleika sæbjúgna en vonir standa til að niðurstöðurnar muni nýtast við ráðgjöf á þessum nýja nytjastofni er frá líður.

 

Tengdar færslur

thumbnail
hover

Síldarvinnslan framúrskarandi enn og aftur

Creditinfo hefur nú tilkynnt hvaða fyrirtæki á Íslandi töldust framúrskarandi á rekstrarárinu 2019 samkvæmt þeim viðmiðum sem s...

thumbnail
hover

Vonar að lærdómur verði dreginn af...

Kristján Þór Júlíusson sjávarútvegsráðherra furðar sig á þeim viðbrögðum sem viðhöfð voru um borð í frystitogaranum Júl...

thumbnail
hover

Rólegt á kolmunnanum

Venus NS og Víkingur AK voru í lok síðustu viku á Vopnafirði með um 2.100 tonn af kolmunna. Þetta er afrakstur fyrstu veiðiferðar ...