Hoppandi kátir
Drangey SK2 landar í Grundarfirði í byrjun vikunnar. Heildarmagn afla um borð er um 154 tonn, uppistaða aflans er að mestu þorskur.
Rætt var við Andra Má Welding stýrimann á heimasíðu Fisk Seafood: „Við vorum þrjá sólarhringa á veiðum í þessari veiðiferð, en fyrir helgina millilönduðum við rúmum 100 tonnum eftir tvo sólarhringa á veiðum. Við vorum á veiðum á Flugbrautinni og Eldeyjarbanka. Veiðarnar hafa gengið vel og menn eru hoppandi kátir með fiskiríið þessar vikurnar. Veðrið hefur einnig verið mjög gott“ segir Andri.