-->

Metárið 2020 þegar toppað

Útflutningsverðmæti eldisafurða á fyrstu 10 mánuðum ársins er nú þegar orðið meira en það var í fyrra, sem var metár. Þetta kom í ljós í morgun þegar Hagstofan birti fyrstu tölur um vöruskipti í október. Samkvæmt þeim nam útflutningsverðmæti eldisafurða um 3,5 milljörðum króna i október og hefur það aldrei áður verið meira hvað þann mánuð áhrærir. Miðað við október í fyrra er aukningin um þriðjungur í krónum talið. Gengi krónunnar var um 7% sterkara nú í október en í sama mánuði í fyrra og er aukningin því nokkuð meiri í erlendri mynt, eða sem nemur 42%.

Komið yfir 30 milljarða
Á fyrstu 10 mánuðum ársins er útflutningsverðmæti eldisafurða komið í 30,5 milljarða króna. Það er um 35% aukning frá sama tímabili í fyrra á föstu gengi. Hefur útflutningsverðmæti eldisafurða aldrei áður verið meira á tímabilinu og er nú þegar orðið meira en það hefur áður verið á heilu ári, líkt og blasir við á myndinni hér fyrir neðan. Er útflutningsverðmæti eldisafurða 5% af heildarverðmæti vöruútflutnings á tímabilinu en tæp 13% af útflutningsverðmæti sjávarafurða. Þessi hlutföll hafa aldrei áður veri hærri.

Attachments

Tengdar færslur

thumbnail
hover

Brottkast – viðvarandi verkefni

„Á líðandi ári varð veruleg fjölgun mála hjá Fiskistofu er varða brottkast og rekja má fjölgunina til þess að eftirlit var b...

thumbnail
hover

Lítið um hrygningu loðnu fyrir Norðurlandi...

Ætla má að lítið magn að loðnu hafi hrygnt á grunnslóð fyrir Norðurlandi í sumar. Vísbendingar eru um að meira af loðnu hafi ...

thumbnail
hover

Ísleifur VE dró Kap VE til...

Aðalvélin í Kap VE bilaði þegar skipið var á loðnumiðum fyrir norðaustan landið á mánudag. Annað skip frá Vinnslustöðinni, ...