-->

Mikið af fiski – lítill kvóti

Landssamband smábátaeigenda hefur tekið saman tölur um þorsk- og ýsuveiði krókaaflamarksbáta við upphaf yfirstandandi fiskveiðiár og borið saman við sama tímabil sl. 4 ár.   Tímabilið er til og með 19. nóvember – 80 dagar.

Viðmælendur LS  eru sammála um að nánast aldrei hafi verið jafnmikið af fiski á miðunum og nú.  Kannski ekki að furða þar sem lítið álag er á miðunum.

Halda þarf verulega aftur af sér til að aflinn verði ekki of mikill í hverri sjóferð.  Þannig landaði línubáturinn Eskey ÓF á Siglufirði sl. laugardag 9 tonnum, þar sem ýsa var ⅔ hluti aflans.  Róið var með 36 bala þar sem smokkur var meginuppistaða beitunnar.  Róðurinn varði í 17 klukkustundir og skilaði 250 kg á hvern bala.

Áhugavert er að bera aflabrögðin í ýsunni saman við fiskveiðiárið 2007/2008 þegar leyfilegur heildarafli var 105.823 tonn.  Þá voru menn róður eftir róður að rembast við að ná 100 kg á bala, en nú þegar heimildirnar eru rúmum 40% lægri eru aflabrögðin eins og áður sagði.

Mestur þorskafli þrátt fyrir minnstu heimildirnar

Þrátt fyrir 6,1% skerðingu í þorski milli ára hefur þorskafli krókaflamarksbáta aukist um hvorki meira né minna 28% á téðu tímabili.  Hafa þeir nú veitt 32% af úthlutuðu aflamarki, sem er mun hærra hlutfall en sömu tímabil þar á undan þegar hlutfallið rokkaði á milli 20 og 23%.

Greinilegt er að vinnslur leggja um þessar mundir meiri áherslu á að vinna þorsk en ýsu.

Attachments

Tengdar færslur

thumbnail
hover

Frumraun Hoffellsins á kolmunnamiðunum

Uppsjávarskipið Hoffell SU er nú á landleið með 2.250 tonn af kolmunna sem fékkst um 100 mílur suður af Færeyjum, að því er seg...

thumbnail
hover

Losuðu dauðan hval

Áhöfn sjómælingaskipsins Baldurs losaði síðastliðinn miðvikudag dauðan hval á Stakksfirði en hann hafði flækst í botnföstu t...

thumbnail
hover

Skagfirðingar mótmæla breytingum á strandveiðikerfinu

Í nýrri ályktun Drangeyjar, smábátafélags Skagafjarðar er mótmælt fyrirætlan Svandísar Svavarsdóttur, matvæltráðherra, að hv...