-->

Skjót viðbrögð skipta máli

Fimmtudagsmorguninn 12. ágúst sl. hélt ísfisktogarinn Bergey VE til veiða frá Vestmannaeyjum. Áður en haldið var í veiðiferðina fór öll áhöfnin í Covid-hraðpróf og reyndust allir neikvæðir. Snemma á mánudagsmorguninn fór einn úr áhöfninni að hósta og finna fyrir lasleika. Var hann þegar tekinn í hraðpróf um borð og reyndist hann þá jákvæður.

Viðkomandi var strax settur í einangrun í klefa sínum og haldið rakleiðis til hafnar í Vestmannaeyjum, en þangað var reyndar ekki nema rúmlega klukkustundar sigling. Þegar í land var komið fór öll áhöfnin í sýnatöku og varð niðurstaðan sú að einungis þessi eini reyndist jákvæður, allir aðrir í áhöfninni voru neikvæðir. Að lokinni sýnatökunni fór öll áhöfnin í sóttkví í vikutíma og að henni lokinni í sýnatöku enn og aftur. Sú sýnataka leiddi í ljós neikvæða niðurstöðu hjá öllum. Bergey hélt á ný til veiða að lokinni sóttkví áhafnarinnar þriðjudaginn 24. ágúst eftir átta daga stopp í landi.

Arnar Richardsson, rekstrarstjóri Bergs-Hugins, segir að þarna hafi skjót viðbrögð um borð skipt miklu máli. „Það voru þessi skjótu viðbrögð sem komu í veg fyrir að aðrir úr áhöfninni smituðust. Í því sambandi er rétt að leggja áherslu á mikilvægi þessara hraðprófa. Það er ómetanlegt að hafa slík próf um borð og geta gengið úr skugga um hvort um smit sé að ræða þegar veikindaeinkenni koma í ljós úti á sjó,“ segir Arnar í samtali við heimasíðu Síldarvinnslunnar.

Tengdar færslur

thumbnail
hover

Brottkast – viðvarandi verkefni

„Á líðandi ári varð veruleg fjölgun mála hjá Fiskistofu er varða brottkast og rekja má fjölgunina til þess að eftirlit var b...

thumbnail
hover

Lítið um hrygningu loðnu fyrir Norðurlandi...

Ætla má að lítið magn að loðnu hafi hrygnt á grunnslóð fyrir Norðurlandi í sumar. Vísbendingar eru um að meira af loðnu hafi ...

thumbnail
hover

Ísleifur VE dró Kap VE til...

Aðalvélin í Kap VE bilaði þegar skipið var á loðnumiðum fyrir norðaustan landið á mánudag. Annað skip frá Vinnslustöðinni, ...