-->

Staða sjávarútvegsins rædd í ríkisstjórn

Sjávarútvegsfyrirtæki landsins eru nú að bregðast við afleiðingum faraldurs Corona veirunnar Covid-19. Eftirspurn eftir ferskum sjávarafurðum í Evrópu hefur nánast hrunið og sú staða leiðir af sér að fiskframleiðendur verða að leita annarra leiða fyrir afurðirnar og draga að auki að draga úr framleiðslu á ferskum fiski. Það hefur í för með sér verulega röskun á vinnslunni og tekjutap, þar sem ferskar afurðir skila þeim mestum ávinningi. Þá munu fyrirtækin hægja á veiðum meðan á þessu stendur.

Að auki þurfa fyrirtækin að sinna sóttvörnum sérstaklega vel og mæta kröfum um leyfilegan hámarksfjölda á hverjum vinnustað. Það gera þau með því að skipta vinnslunni upp í vinnsluhólf, þar sem fjöldi í hverju þeirra er takmarkaður og samneyti á milli þeirra er stöðvað. Óþarfa heimsóknir inn í fyrirtækin hafa verið stöðvaðar og starfsfólk beðið um að fara ekki í óþarfa ferðalög og draga úr samskiptum við annað fólk.

Kristján Þór Júlíusson, sjávarútvegs- og landbúnaðarráðherra, gerði grein fyrir stöðunni eins og hún horfir við íslenskum landbúnaði og sjávarútvegi á fundi ríkisstjórnarinnar í gærmorgun en ráðuneytið hefur undanfarna daga og vikur fylgst grannt með þróun mála.

Eftirspurn dregist saman

„Kristján Þór greindi ríkisstjórn frá því að eftirspurn eftir ferskum fiski í Evrópu hefur dregist mjög saman vegna stöðunnar og hafa íslensk sjávarútvegsfyrirtæki fundið fyrir samdrætti í eftirspurn allra tegunda. Augljóst er að þessar umfangsmiklu breytingar á erlendum mörkuðum munu hafa töluvert neikvæð áhrif á íslenskan sjávarútveg og afleidda starfsemi. Unnið er að því að færa framleiðslu úr fersku hráefni í aðra vinnslu. Sum fyrirtæki ætla að reyna að halda sínu striki eða breyta sókn sinni í ákveðnar tegundir, en önnur fyrirtæki hyggjast draga úr sjósókn og framleiðslu fyrst um sinn, í samræmi við samdrátt í eftirspurn markaðarins,“ segir í frétt frá ráðuneytinu.

Eðli málsins samkvæmt breytist staðan hratt og atvinnuvega- og nýsköpunarráðuneytið mun fylgjast áfram náið með þróun mála og grípa til þeirra aðgerða sem nauðsynlegar eru til að lágmarka efnahagslega neikvæð áhrif á íslenskan landbúnað og sjávarútveg til skemmri og lengri tíma.

 

Tengdar færslur

thumbnail
hover

Ljúffeng lúða

Lúða er ljúffengur fiskur, sem elda má á ótal vegu og alltaf er hún góð svo fremi sem hún sé fersk. Hér kemur uppskrift sem er b...

thumbnail
hover

Byrjaði 15 ára á Barða NK

Maður vikunnar er Norðfirðingur. Einn af aflasælustu skipstjórum landsins, sem mokar upp kolmunna, makríl, síld og loðnu, þegar kv...

thumbnail
hover

Ólafur Marteinsson nýr formaður SFS

Ólafur Marteinsson, framkvæmdastjóri Ramma hf. á Siglufirði var kjörinn formaður stjórnar Samtaka fyrirtækja í sjávarútvegi á a...