-->

Töluvert af loðnu að sjá en hún stendur djúpt

Börkur NK er að fylgjast með loðnunni norður af landinu ásamt fleiri skipum. Hálfdan Hálfdanarson skipstjóri segir að áhöfnin hafi það náðugt og skipið sé bara látið reka. „Héðan er fátt að frétta. Við erum hérna í blíðviðri og það er töluvert af loðnu að sjá. Það er hins vegar ekki unnt að veiða hana í nót því hún stendur of djúpt. Loðnan þar sem við erum staddir núna er á 230 metrum. Hér væri örugglega hægt að ná góðum árangri í troll en það hefur ekki enn fengist heimild til slíkra veiða. Við köstuðum einu sinni í fyrrinótt og fengum þá um 10 tonn. Sú loðna var fín og falleg, 43 stykki í kílóinu.

Það eru hérna sex bátar að fylgjast með loðnunni en það kastaði einungis einn í nótt með engum árangri. Það var Heimaey. Við bíðum hér og gerum okkur vonir um að það verði gefið trollleyfi. Loðnan hefur haldið sig á svipuðum slóðum síðustu dagana en hefur þó aðeins fært sig sunnar og austar,“ segir Hálfdan, spjallað var við hann á Heimasíðu Síldarvinnslunnar.
Ljósm. Smári Geirsson

Tengdar færslur

thumbnail
hover

Íþyngjandi gjaldtaka hægir á verðmætasköpun í...

„Gjaldtaka í sjókvíaeldi er umfangsmeiri en í flestum öðrum atvinnugreinum hér á landi. Flest fyrirtæki greiða hefðbundin gjöl...

thumbnail
hover

Mikið óveitt af ufsa

Mikið er óveitt af ufsa nú þegar fiskveiðiárinu er að ljúka. Það er svipuð staða og í fyrra. Kvótinn nú er 78.700 tonn, aflin...

thumbnail
hover

ISI tapaði 300 milljónum

Iceland Seafood International (ISI) tapaði 2,1 milljón evra á öðrum ársfjórðungi eða sem nemur 296 milljónum á gengi dagsins, að...