-->

Tveir bátar í vanda, björguðust báðir

Leitar og björgunarþyrla danska flughersins var kölluð út auk björgunarskipsins Gunnbjargar frá Raufarhöfn vegna 18 tonna línubáts sem varð vélarvana 3,5 sjómílur norður af Langanesi í gær. Stjórnstöð Landhelgisgæslunnar fékk boð um vanda bátsins laust eftir klukkan 13:00. Þyrla danska flughersins var að koma inn til lendingar á Keflavíkurflugvelli þegar hún var kölluð út. Þyrlusveitin danska hélt fyrst til Akureyrar og tók þar eldsneyti. Að því búnu fór hún rakleiðis í átt að Langanesi. Fimm voru um borð í línubátnum og var rek bátsins rúm sjómíla á klukkustund í átt að landi.

Danska björgunarþyrlan og björgunarskipið Gunnbjörg voru komin að bátnum um klukkan 15:00. Gunnbjörg var komin með línubátinn í tog fimm mínútum síðar og þegar ástandið var orðið tryggt gat þyrla danska flughersins snúið aftur til baka. Gunnbjörg dró línubátinn til Raufarhafnar.

Þetta var í annað sinn sem stjórnstöð Landhelgisgæslunnar kallaði út þyrlu vegna báts í vanda í gær. Fyrr um daginn var óskað eftir aðstoð björgunarsveitar og áhafnarinnar á TF-EIR vegna vélarvana báts við Ólafsfjarðarmúla. Alls var tilkynnt um fimm vélarvana báta til stjórnstöðvar Landhelgisgæslunnar það sem af var degi í gær

Sjósókn umhverfis landið var góð það í gær. 750-800 skip og bátar voru á miðunum þegar mest var.

Björgunarþyrla danska flughersins verður til taks ákveðna daga hér á landi til 17. júlí.

Tengdar færslur

thumbnail
hover

Landaði 927 tonnum af rækju

Rækjutogarinn Avataq, sem er í eigu Royal Greenland hefur enn eitt skiptið sett met í löndun í grænlenskri höfn. Hann landaði nýle...

thumbnail
hover

Úthafrækjuafli fari ekki yfir 5.136 tonn

Hafrannsóknastofnun leggur til í samræmi við varúðarsjónarmið að afli fiskveiðiárið 2020/2021 verði ekki meiri en 5.136 tonn fy...

thumbnail
hover

Unga fólkið fræðist um sjávarútveg

Nú í sumar var í fyrsta skipti í Reykjavík boðið upp á fræðslu um sjávarútveg fyrir 15- 16 ára ungmenni fædd árið 2004. Þet...