Ísland með mest af grásleppuhrognum

Árlegur upplýsingafundur um grásleppumál var haldinn í Kaupmannahöfn 7. febrúar sl.  Mjög góð þátttaka var á fundinum og margt fróðlegt sem þar kom fram. Heildarveiði allra þjóða á árinu 2019 umreiknað í fjölda tunna af söltuðum hrognum losaði 21 þúsund.  Almennt gengu veiðarnar vel hér við land, Grænlandi og Noregi.  Þó lítilsháttar aukning hafi verið hjá Nýfundlendingum á veiðin þar á langt í land með að skila því magni sem þar var veitt hér á árum áður.

Alls jókst heildarveiðin um 11% milli ára og skiptist þannig milli þjóðanna.

„Hrogn úr grásleppuafla sem veiðist úti fyrir ströndum Svíþjóðar og Danmörku er að mestu leyti seld á fiskmörkuðum þar sem kaupendur eru fiskbúðir og veitingahús.  Í Danmörku er um árlegan viðburð að ræða þegar grásleppuhrogn koma og þau sett á matseðla sem sérstakur réttur (Frisk stenbiterrogn).  Rétturinn nýtur sívaxandi vinsælda – sýrður rjómi með tilheyrandi kryddi í botninn og hrognin sett ofan á og vaffla við hliðina – lostæti,“ segir á heimasíðu Landsambands smábátaeigenda. Hvernig væri nú að veitingageirinn á Íslandi tæki þann danska sér til fyrirmyndar?
Ljósmynd Þorgeir Baldursson