Halldór leystur út með gjöfum

Halldór Nellett, skipherra á varðskipinu Þór, var leystur út með gjöfum af áhöfn skipsins þegar hin svonefndu litlu jól voru haldin um borð. Halldóri var þakkað samstarfið og óskað velfarnaðar í nýjum verkefnum í landi. Síðar í vikunni lýkur hann tæplega hálfrar aldar ferli hjá Landhelgisgæslu Íslands.

Bergvin Gíslason, bryti varðskipsins, reiddi fram glæsilegt smáréttahlaðborð og áhöfnin klæddi sig upp í sitt fínasta púss í tilefni dagsins.