1.150 tonn af þorski fengust fyrir makrílinn

Fiskistofa hefur lokið úrvinnslu á tilboðum sem bárust í aflamarksskipti í júní. Frá þessu greinir á vef stofnunarinnar. Þar segir að alls hafi borist 33 tilboð og að þessu sinni hafi 8 tilboðum verið tekið að hluta til eða að fullu. Alls var tilboðum tekið sem hljóða upp á 6500 tonn af makríl. Fyrir þessi tonn fengust um 1.150 tonn af þorski.

Óljóst er hvað verður um þessar aflaheimildir í þorski. Þess eru dæmi að ráðherra hafi bætt þeim við heimildir í strandveiðum.