Nýtt kerfi fyrir veiðivottorð

Fiskistofa hefur þróað nýtt kerfi fyrir útgáfu veiðivottorða. Frá þessu segir á vef Fiskistofu.

„Nýja kerfið er aðgengilegt á vefslóðinni https://vottord.fiskistofa.is og þar geta útflytjendur sjávarafurða útbúið öll veiðivottorð sem ekki eru útbúin með XML skrám.

Innskráning í kerfið fer fram í gegnum Ísland.is. Aðrir en prókúruhafar lögaðila þurfa sérstakt umboð sem sótt er um í umboðskerfi stafræns Íslands.

Fiskistofa mun reka bæði eldra og nýja veiðivottorðakerfið þar til hægt verður að hlaða inn XML skrám í nýja kerfið en við viljum þó hvetja notendur til að nýta sér nýja kerfið eins og hægt er.“