Taka stefnuna á Smuguna

Makrílvertíðin er að hefjast og í dag halda þrjú skip Síldarvinnslunnar – Barði NK, Beitir NK og Börkur NK – frá Neskaupstað til veiða. Líkt og undanfarin ár er horft til veiðisvæða í Smugunni, þar sem veiði reyndist drjúg í fyrrahluta síðustu vertíðar.

„Ég held að menn séu hóflega bjartsýnir. Útlitið er svipað og í fyrra og ég geri ráð fyrir að stefnan verði strax tekin á Smuguna,“ segir Hjörvar Hjálmarsson, skipstjóri á Berki NK. Hann bætir við: „Við vonumst eftir að þetta þróist með svipuðum hætti og á síðasta ári en þá var veiðin mest í Smugunni framan af en síðan fékkst drjúgur afli innan lögsögunnar.“

Skip Síldarvinnslunnar munu áfram starfa í samstarfi við Samherjaskipin Vilhelm Þorsteinsson EA og Margréti EA, þar sem afli allra skipanna er safnaður í eitt sem fer með hann til lands. Hjörvar segir þetta verklag henta vel þegar aðstæður eru krefjandi. „Þetta fyrirkomulag er skynsamlegt í alla staði, einkum þegar veiði er ekki mikil og langt að sækja.“

Í Neskaupstað eru undirbúningur og eftirvænting í gangi. Geir Sigurpáll Hlöðversson, rekstrarstjóri fiskiðjuvers Síldarvinnslunnar, segir: „Hjá okkur er allt að verða klárt. Eftir helgina fyllist fiskiðjuverið af fólki og það verður líf í tuskunum.“
Hann segir einnig: „Það verður gott að fá fisk í húsið og við vonumst til að fá fyrsta farminn til vinnslu seint í næstu viku.“
Að lokum bætir Geir við: „Svo vona menn að vertíðin verði heldur lengri en makrílvertíðin var í fyrra. Það er alltaf ákveðin spenna sem fylgir hverri vertíð.“